കിങ്ങിണിക്കൂട്ടം

ശരണം തവ ചരണം

kcnalini — Sat, 13 Sep 2008 18:22:16 +0000

മാന്ധാചലേശ്വരീയെന്‍ ചാരേ വാഴുമ്പോ -
ളാധികള്‍ വ്യാധികള്‍ ഒന്നുമില്ല
ഭദ്രേ, ഭഗവതീ നീ താങ്ങായുള്ളപ്പോള്‍
ഭാണ്ഡഭാരക്ലേശമൊന്നുമില്ല
നീയെന്നെയേല്‍പ്പിച്ച ഭാണ്ഡത്തിലൊട്ടേറെ
ഭാഗ്യനക്ഷത്രങ്ങളായിരുന്നൂ
ഓരൊരോ താരവും കുന്നിലമ്മേ നിന്റെ
കയ്യില്‍ സുരക്ഷിതമല്ലോയെന്നും
എങ്ങിനെ ചൊല്ലേണ്ടു നന്ദി, കുന്നിലമ്മേ
നീ ചൊരിഞ്ഞോടുന്നീ നന്മകള്‍ക്ക്?
ഇബ്ഭുവനം കാക്കുന്ന ശ്രീശൈലവാസിനീ
എന്‍ തനു കാണിയ്ക്ക വെച്ചിടട്ടേ
അറിവേതുമില്ലാതെ വിക്രിതിയായ് കൂടുമീ
പ്പൈതലേയെന്‍ തായെ കാത്തുകൊള്‍ക
തിരുമാന്ധാംകുന്നിന്മേല്‍ മേവും ഭഗവതീ
തവ ചരണമെന്‍ ശരണം തന്നെയെന്നും

ഓണാശംസകള്‍

kcnalini — Mon, 08 Sep 2008 13:36:18 +0000

ചിദംബരവെട്ടം

kcnalini — Wed, 03 Sep 2008 14:18:03 +0000

ചിദംബരം, പിച്ചവാരം, പൂംപുഹാര്‍ (കാവേരിപൂംപട്ടണം), തരംഗംപാടി (ട്രാന്‍ക്വിബാര്‍) എന്നീ സ്ഥലങ്ങളിലേയ്ക്ക് 2006 ഒക്ടോബറില്‍ നടത്തിയ യാത്രയുടെ ഓര്‍മ്മകളിലേയ്ക്ക് ഒരു തിരിഞ്ഞുനോട്ടം.

ചിദംബരവെട്ടം

കുടുംബശ്രീ

kcnalini — Wed, 03 Sep 2008 10:42:59 +0000

ഓടി നടക്കും യന്ത്രം
ചാടി നടക്കും യന്ത്രം
പാടി നടക്കും യന്ത്രം
കല പില കൂട്ടും യന്ത്രം
പനി പിടിച്ച യന്ത്രം
പണി മുടക്കീ യന്ത്രം
പ്രാഞ്ചി നടന്നൂ യന്ത്രം
പേരില്ലാത്തൊരു യന്ത്രം

പൂച്ചപ്പാട്ട്

kcnalini — Wed, 03 Sep 2008 10:38:52 +0000

വെളു വെളുത്ത പൂച്ച
മിനു മിനുത്ത പൂച്ച
കുറുമ്പു കാട്ടും പൂച്ച
നല്ല സുന്ദരി പൂച്ച
തക്കിടി മുണ്ടന്‍ പൂച്ച
തിരുമാലി പൂച്ച
കട്ടു തിന്നും പൂച്ച
കവര്‍ന്നു തിന്നും പൂച്ച